قالت بحبك ...ومحستهاش
____________ _____
معرفش ايه جرالها..اتغيرت معايــا
عمري مافكرت فيها ولا كانت يوم منايا
هي اقرب صديقه ولجرحي هيّ دوايا
معرفش احكيلكو ايه..وابتدي منين الحكايه
____________ _____
كنّا في يوم قاعدين..سألتني بحب مين
وفي عنيها المجروحين ..لقيت كلام كتير
شايل عذاب سنين
............ ......... .
وسألتني عنّها ..قلتلها بحبها
زي الملاك بريئه..رمتني في حبها
هعيش ليها وبس والدنيا ضيها
ضحكتها ليّ همس طالعه من قلبها
............ ......... ...
واتبدل لونها الوردي بلون الليل
وأرق دمعه نزلت علي خد الجميل
............ ......... .
واحكيلها وانا مسرور..والدنيا تلف وتدور حواليها
لأنا فاهم ايه ولا عارف ليه حاضنه دموعها في بحر عنيها
............ ......
مقدرتش اعرف ان اكبر حلم ليها تكون معايا
معرفتش افهم اد ايه محتاجه لهوايا
............ .......
واتبسمت بعيون مكسوره من جرحي ليها
كل الكلام بيكويها ..ولا قادر احس بيها
............ .........
وفي لحظه ثار بركان غرام من قلبها
قالت بحبك وسط الكلام
مقدرش قلبي يحسها
............ .........
وعارفه اني بحب غيرها
وشيفاني كل الحياه
محتاجه كلمه في وسط نارها
تكون ليها طوق النجاه
............ ......
لكن سماح
مقدرش العب دور غدار
لو عشته يوم
يبقي لضميري يوم انتحار
يرضيكي اكمل عمري عليل..واعيش عذاب ليل ويا نهار؟
السبت يونيو 30, 2007 2:27 am
